स्वप्नातही, तूच मला दिसते

तो - स्वप्नातही,  तूच  मला  दिसते

पहाटेस  डोळे जागता, तू  कुशीस असते

स्वप्नातही,  तूच  मला  दिसते

तो  - तू पौर्णिमा, तू चंद्रिका,

व्यापे  जगा  जी, तू  निलिमा  

उधळीत  रंग  ये  नभी

तू  प्रभा  खुलते

स्वप्नातही,  तूच  मला  दिसते

ती - वाऱ्यातुनी, ताऱ्यातुनी,

साऱ्यातुनी, मी  वाहते

शोधून बघ तू,  तुझ्या मनी

मी  तिथे वसते

स्वप्नातही,  तूच  मला  दिसते

तो - माझे तुझे नाते जुळे, सृष्टीच  लागे  ही  मंतरू

ती - दाटुनी  येती  लाटा उरी, वाटे  कधीही  न  त्या ओसरू

दोघे - तू, मी  असो, तो  ती  असो,

प्रीतीस गे/ रे, पारखे  ना कुणी

व्यापून असते सदा अंतरी

ना  कधी  विरते

स्वप्नातही,  तूच  मला  दिसते

सुरेश नायर

२०१२ साली मी लिहिलेले आणि दिग्दर्शित केलेले नाटक 'वारा लबाड आहे' आम्ही डेट्रोइटला सादर केले. त्यासाठी हे गाणे लिहून मी ते चालीवर बांधले व मृणालिनी अर्काटकर, अमित देशपांडे यांच्या आवाजात रेकॉर्ड केले.