श्वास घेता पहिला नाते नाळेशी मग सुटते
म्हणुनी का आईशी जडले नाते अपुले तुटते ?
आटतो पान्हा गोडी जेव्हा मऊ भाताची जडते
म्हणुनी का आईशी जडले नाते अपुले तुटते ?
दुडुदुडू येता चाल कडेवरचे बागडणे विरते
म्हणुनी का आईशी जडले नाते अपुले तुटते ?
दृष्ट काढण्या पुढती अपुली सृष्टी गेली असते
म्हणुनी का आईशी जडले नाते अपुले तुटते ?
नवमासी जी उदरी अपुल्या बीजांकुर एक जपते
आकारासी येउन बीज ते तिज हाती मोहरते
त्या शरीरातील नसानसातून तीच वाहत असते
म्हणुनीच तर आईशी जडले नाते कधी ना तुटते
सुरेश नायर
एप्रिल/ २०१४
No comments:
Post a Comment