ही कविता गीतरुपात ऐकण्यास इथे क्लिक करा
असा कधीही यावा तो क्षण
जुनी पुराणी, पुसली
आठवण
कवडस्यापरी, मनात
माझ्या
क्षणापुरती का,
चमकून जावी
असा कधीही यावा
तो क्षण
वाहता वाहता, झुळूक
एक ती
थबकून हलके, कानी
माझ्या
जुनी सुरावट, आळवून
जावी
असा कधीही यावा
तो क्षण
डोळ्यापुढती चित्र
देखणे
उभे राहावे जुने
कशाचे
स्वप्नी अथवा जागेपणीही
असा कधीही यावा
तो क्षण
सहज चालता वाटेवरूनी
पाठमोर वा, सावलीतुनी
भेट आपसूक, जुनी
घडावी
असा कधीही यावा
तो क्षण
वेळ जरासा, जावा
थबकून
आणि पाऊले, घेत
मागुती
सैर घडावी, भुतकाळची
सुरेश नायर
४ /२/१६
No comments:
Post a Comment